ກຸ່ມບໍລິສັດກະສີກຳຂະໜາດໃຫຍ່ຈາກປະເທດສິງກະໂປໄດ້ປະກາດຈະທຸ່ມເທໃສ່ການຜະລິດກາເຟໃນລາວເພື່ອສະໜອງໃຫ້ແກ່ຕະຫລາດໂລກ ຫລັງຈາກໄດ້ດຳເນີນການແບບງຽບໆໄດ້ມາ 2ປີ.
ຜູ້ບໍລິຫານບໍລິສັດ’’ເອົາສະເປນບໍລິເວນ’’ Ouspan bolovens LTD ເຊິ່ງເປັນບໍລິສັດລູກຂອງກຸ່ມ ‘’ ໂອລາມ ’’ Olam group ໄດ້ປະກາດເລື່ອງນີ້ໃນນະຄອນຫລວງວຽງຈັນ ເມື່ອບໍ່ດົນມາຫລັງຈາກໄດ້ເຊັນສັນຍາກັບລັດຖະບານລາວ
ບໍລິສັດ’’ເອົາສະເປນ’’ ໄດ້ຕັ້ງເປົ້າໝາຍຜະລິດກາເຟປີລະ 7.500 ໂຕນ ເທົ່າກັບ 25–30% ຂອງປະລິມານກາເຟທີລາວໄດ້ສົ່ງອອກໃນໄລຍະຫລາຍປີຜ່ານມາ. ກຸ່ມທຶນໃຫຍ່ຈາກປະເທດສິງກາໂປ ພວມຈະເປັນຜູ້ຜະລິດຂະຫນາດໃຫຍ່ອີກກຸ່ມໜຶ່ງ ບໍ່ຕ່ຳແຕ້ມໃຫ້ແກ່ບໍລິສັດ ລູກຂອງ ‘’ ໄທເບບເວີເຮັດ ຈຳກັດ ’’ ເຊິ່ງເປັນເຈົ້າຂອງຜະລິດຕະພັນ ‘’ ເບຍຊ້າງ ’’ ເຫລົ້າແມ່ຂອງ ‘’ ກາເຟ ແລະ ຊາ ພ້ອມດ້ວຍເຄື່ອງດື່ມ ຊູກຳລັງ ກັບສີນຄ້າທີບໍ່ມີແອນກໍຮອນອື້ນໆອີກຢ່າງຫລວງຫລາຍ .
ທັງສອງກຸ່ມດັ່ງກ່າວ ໄດ້ເຂົ້າປັກຫລັກ ໃນເຂດສວນກາເຟ ໃຫ່ຍທີສຸດໃນເຂດ ສປປ ລາວ ໃນເວລາໄລ່ເລ່ຍກັນ ຂະນະດຽວກັນບໍລິສັດເປັນຜູ້ຜະລິດກາເຟຂະຫນາດໃຫ່ຍ ຈາກປະເທດຫວຽດນາມພວມຂະຫຍາຍເນື້ອທີ່ສຳລັບປູກກາເຟ ຢູ່ເມື່ອງປາກຊ່ອງເຊັ່ນກັນ.
ສ່ວນກາເຟຂອງ’’ໄທເບບ’’ ທີເມື່ອງປາກຊ່ອງ ກັບຂອງ ‘’ເອົາສະເປນ’’ ກວມເນື້ອທີ່ 3.000 ເຮັກຕາເທົ່າໆກັນ ແລະ ທັງສອງບໍລິສັດ ກໍ່ມີແຜນການຈະປູກກາເຟ ໃຫ້ໄດ້ຄົບຕາມ 3.000 ເຮັກຕາ ພາຍໃນປີນີ້ກັບປີໜ້າ ຜູ້ອຳນວຍການໃຫ່ຍດັ່ງກ່າວຂອງສິງກະໂປໄດ້ກ່າວວ່າ:
‘’ ພວກເຮົາຈະປູກໃຫ້ໄດ້ທັງ 3.000ເຮັກຕາ ພາຍໃນ ປີ2011 ເພຶ່ອຜະລິດກາເຟໃຫ້ໄດ້ປີ 7.500 ໂຕນ’’
ປັດຈຸບັນຫວຽດນາມເປັນຜູ້ສົ່ງອອກກາເຟໃຫ່ຍອັນດັບສອງຂອງໂລກ ຮອງຈາກປະເທດເບນຊີນ, ແຕ່ຫວຽດນາມໄດ້ສົ່ງອອກກາເຟ ‘’ໂຣນັດສະຕາຣ’’ ຫລາຍທີ່ສູດ ທ່ານ ສີສະໜຸກ ສີສົມບັດ ປະທານສະມະຄົມຜູ້ປູກກາເຟລາວ ໄດ້ກ່າວວ່າ: ລາວເພີ່ມຜົນຜະລິດກາເຟໄດ້ຍາກ ເນື້ອທີ່ປູກມີຈຳກັດ. ສ່ວນໜຶ່ງຖືນຳໄປໃຊ້ຜະລິດພືດຜັກ ເພື່ອສົ່ງອອກນອກຈາກນັ້ນຍັງຂາດແຄນແຮງານອີກ ດ້ວຍ ເຊີ່ງທັງໝົດເຮັດໃຫ້ຫລາຍປີມານີ້ ຈຳນວນກາເຟສົ່ງອອກ ໂດຍສະເລ່ຍຢູ່ໃນລະດັບປະມານປີລະ 20.000ໂຕນ ເທົ່ານັ້ນ.
ການເຂົ້າມາລົງທຶນຜະລິດຕະພັນກາເຟໃນສປປ ລາວ ຂອງກຸ່ມທືນໃຫ່ຍ ຂອງຫວຽດນາມ ,ສິງກະໂປ ແລະ ໄທ ພວມຈະຊ່ວຍເພີ່ມຜົນຜະລິດກາເຟໃນລາວເກືອບເທົ່າຕົວ,ແຕ່ເຖີ່ງຢ່າງໃດກໍ່ຕາມ, ຈຳ ນວນໜ້ອຍຫລາຍຫາກທຽບກາເຟສົງອອກຂອງຫວຽດນາມປີລະຫລາຍລ້ານໂຕນ ແລະ ໜ້ອຍຫລາຍຫາກສົມທຽບກັບຄວາມຕ້ອງການກາເຟລາວ ໃນຕະຫລາດໂລກ.
ແຫຼ່ງຂ່າວ: ໜສພ ການຄ້າ
ໂດຍ: ພູຄຳ
ຂ່າວການຄ້າ